Welkom by die webblad van Hoërskool Akasia. 'n Skool wat jou voorberei vir die toekoms. Hoërskool Akasia handhaaf ‘n etos gedrewe deur die primêre Christelike waardes, soos vervat in 1 Korintiërs 13:13 - “En nou: geloof, hoop en liefde bly, hierdie drie. En die grootste hiervan is die liefde!” Dit sinspeel op - dankbaarheid (in woord en daad) teenoor ons Skepper en mekaar; - lojaliteit teenoor ons God, medemens en self; - ywer in die uitvoer van ons daaglikse taak; - self-dissipline; - integriteit - respek.

Die uitleef daarvan
By ons skool word daar elke vroegoggend gebid en Bybelstudie gedoen deur ‘n honderd plus leerders. Elke Vrydag vergader ‘n verdere drie honderd leerders om vir ‘n minuut lank te bid vir die skool, vir mekaar en vir die samelewing as geheel. Ons beskou hierdie leerders en hulle geloof as die fondamente waarop die skool rus! Addisioneel word daar elke oggend aangrypend in die personeelkamer en aantreeblad geopen met skriflesing en gebed.

Veelkultureel
Die skool is met reg trots op sy multikulturele aard. Daardeur word elke leerder waarlik voorberei op ‘n toekoms in ons geliefde land, Suid-Afrika - nie deur eng laer te trek nie, maar deur die eie met trots en respek vir ander te handhaaf.
Skoolwapen en skoolleuse

Skool hoof: Mnr JJ Venter